ЯҢАЛЫКЛАР

2012 нче елның II кварталында Татарстан Республикасы Мәгариф һәм фән министрлыгының мәгариф өлкәсендә күзәтчелек һәм контроль департаменты тарафыннан 491 белем учреждениесенең укыту эшчәнлегенә лицензия бирелде һәм лицензия кушымталары яңадан рәсмиләштерелде. 194 гомуми урта, 39 өстәмә, 187 мәктәпкәчә, 32 һөнәри белем учреждениеләре һәм оешмалары лицензияләр алдылар.

2012 нче елның 16 нчы гыйнварыннан укыту эшчәнлегенә лицензия алу яисә яңадан рәсмиләштерү буенча документлар түбәндәге адрес буенча кабул ителә: Казан шәһәре, Дзержинский урамы, 3 нче йорт, 9 нчы кабинет.

 Отчетлар әзерләү сәбәпле, 2011 нче елның  19 нчы декабреннән 31 нче декабренә кадәр укыту эшчәнлегенә лицензия алу яисә яңадан рәсмиләштерү буенча документлар кабул итү туктатылып тора.

Татарстан Республикасы Мәгариф һәм фән министрлыгының мәгариф өлкәсендә күзәтчелек һәм контроль департаментының планлы тикшерү графигы буенча 2011 нче елның сентябрь-октябрь айларында Татарстан Республикасы Казан шәһәре Идел буе районының 60 белем учреждениесендә (19 урта, 31 мәктәпкәчә белем һәм 8 балаларга өстәмә белем, укыту комбинаты, кичке (сменалы) гомуми белем учреждениеләре) тикшерү үткәрелде.

2011 нче елның 3-4 нче октябрендә Татарстан Республикасы югары уку йортларының Ректорлар Советы карары нигезендә профильле фәннәрдән студентларның белем дәрәҗәләрен тикшерү максатыннан сайлап алу тестлары үткәрелде. Бу чарада Татарстан Республикасы территориясендә урнашкан югары уку йортларының 1 нче курс студентлары катнашты. Алар рус теле, биология, әдәбият, математика, тарих, физика, җәмгыять белеме, химия фәннәреннән тестларга җавап бирделәр. Диагностикалау процедуралары БДИ материаллары нигезендә контроль эшләр формасында үткәрелде.

2011 нчы елның 3 нче октябрендә Татарстан Республикасы Мәгариф һәм фән министрылыгының күзәтчелек һәм тикшерү департаменты муниципаль мәгариф идарәсе вәкилләре белән “ Гамәлдәге Законнар нигезендә белем учреждениеләренә лицензия бирү һәм дәүләт аккредитациясен үткәрү буенча мөһим сораулар” дигән темага киңәшмә үткәрде.

2011 нчы елның сентябрь аенда Татарстан Республикасы Мәгариф һәм фән министрылыгының күзәтчелек һәм тикшерү департаменты (Департамент) вәкилләре тарафыннан Түбән Кама муниципаль районы белем учреждениеләре җитәкчеләре өчен инструктив-методик киңәшмә үткәрелде.

2011 нче елның 23 нче сентябрендә Татарстан Республикасы Мәгариф һәм фән министрылыгының күзәтчелек һәм тикшерү департаменты вәкилләре “Белем арсеналы укыту методик үзәге” (Арсенал) автономияле оешма тарафыннан оештырылган мәгълүмати – консультацион вебинарда катнаштылар. Вебинарны “Мәгариф өлкәсендәге Законнардагы үзгәрешләр” дигән темага семинарны online режимында “Арсенал” укытучысы Фёклин Сергей Иванович үткәрде. Веб-семинарда катнашучылар яңа хокукый норматив документлар буенча мәгълүмат һәм үзләрен кызыксындырган сорауларга җаваплар алдылар.

Рособрнадзор чыгарылыш сыйныф укучыларын Бердәм дәүләт имтиханнарына (БДИ) әзерләү максатыннан оештырылачак күнектерү имтиханнарын үткәрү тәртибе турында аңлатма бирде.

2011 нче елның 1 нче гыйнварыннан 31 нче августына кадәр Татарстан Республикасы Мәгариф һәм фән министрлыгының мәгариф өлкәсендә күзәтчелек һәм контроль департаменты тарафыннан 578 белем бирү учреждениесенең укыту эшчәнлегенә лицензия бирелде һәм 1445 се янадан рәсмиләштерелде. 935 гомуми урта, 90 өстәмә белем бирү, 713 мәктәпкәчә белем бирү, 285 һөнәри белем бирү учреждениеләре һәм оешмалары вакыты чикләнмәгән лицензияләр алдылар.