Департамент хезмәткәрләре Россия Икътисади үсеш министрлыгында лицензияләүне гамәлгә ашыручы Россия Федерациясе субъектлары башкарма хакимияте органнары белән видеоконференция режимында оештырылган киңәшмәдә катнашу өчен Татарстан Республикасы Икътисад министрлыгына чакырылган иде.

2021 елның 1 гыйнварыннан «Эшчәнлекнең аерым төрләрен лицензияләү буенча дәүләт хезмәтләре күрсәтүнең реестрлы моделен кертү өлешендә Россия Федерациясенең аерым закон актларына үзгәрешләр кертү турында» 2019 елның 27 декабрендәге 478-ФЗ номерлы Федераль закон (алга таба - 478-ФЗ номерлы Закон) үз көченә керә. 478-ФЗ номерлы Закон нигезендә эшчәнлекнең конкрет төрен гамәлгә ашыруга лицензия булу (эшчәнлекнең мондый төрләре исемлеге «Эшчәнлекнең аерым төрләрен лицензияләү турында» 2011 елның 4 маендагы 99-ФЗ номерлы Федераль законның 12 маддәсендә китерелгән) кәгазь документ белән түгел, ә тиешле язма белән лицензияләр реестрында раслана. Шул рәвешле, 2021 елның 1 гыйнварыннан лицензияләр реестрында язу файдасына кәгазь формада лицензияләр бирү гамәлдән чыгарыла.