Урта гомуми белем бирү программалары буенча дәүләт йомгаклау аттестациясенең вакытыннан алда чоры 20 мартта башлана.
Урта гомуми белем бирү программалары буенча дәүләт йомгаклау аттестациясенең вакытыннан алда чоры 20 мартта башлана.
Татарстан Республикасында 17 мартта республикада урта гомуми белем бирү программалары буенча дәүләт йомгаклау аттестациясенең вакытыннан алда чорын оештыру һәм уздыру буенча ведомствоара киңәшмә узды, аны министр урынбасары - мәгариф өлкәсендә күзәтчелек һәм контроль департаменты җитәкчесе Р.Г.Мөҗипов үткәрде. Киңәшмәдә Татарстан Республикасы буенча Эчке эшләр министрлыгы, Татарстан Республикасы Сәламәтлек саклау министрлыгы, Татарстан Республикасы дәүләт идарәсен цифрлы нигездә үстерү, мәгълүмат технологияләре һәм элемтә министрлыгы, ДУП «Татарстан Республикасы мәгълүмат технологияләре үзәге», АҖ «Челтәр компаниясе», ГАҖ «Ростелеком» белгечләре катнашты.
Киңәшмәдә катнашучылар дәүләт йомгаклау аттестациясен вакытыннан алда уздыруга әзерлек, технологик иминлекне тәэмин итү, имтихан уздыру пунктларында медицина ярдәмен һәм җәмәгать тәртибен саклау мәсьәләләре буенча тагын бер кат фикер алыштылар.
Р.Г.Мөҗипов ДЙАның вакытыннан алда катнашу өчен 200 гә якын кеше теркәлүе турында хәбәр итте, шул исәптән «рус теле» предметы буенча имтиханны 179 кеше, «математика (профиль)» - 102, «җәмгыять белеме» - 100 һ.б. язачаклары көтелә. 20 мартта катнашу өчен «география» фәне буенча 10 кеше һәм 39 кеше «рус әдәбияты» фәне буенча гариза бирде.
БДИ үткәрү өчен Яр Чаллы шәһәренең 37 нче мәктәбе һәм Казанның 6 нчы гимназиясе базасында имтихан үткәрү пунктлары (ППЭ) оештырыла. Имтиханнар «Интернет» челтәре буенча имтихан материалларын тапшыру, аларны аудиторияләрдә бастыру һәм сканерлау технологияләрен кулланып узачак. Барлык аудиторияләр онлайн режимында видеокүзәтү белән күзәтеләчәк. БДИ уздыру пунктының иҗтимагый тәртибе һәм иминлеге Татарстан Республикасы буенча Эчке эшләр министрлыгы хезмәткәрләре көче белән оештырылачак.