Демонстрацион имтихан формасында ДЙА уздыруга багышланган Бөтенроссия киңәшмәсе очно һәм дистанцион форматта узачак
17 апрельдә Мәскәү бизнес-технологияләр көллияте мәйданчыгында 2026 елда демонстрацион имтихан рәвешендә дәүләт йомгаклау аттестациясен (ДЦА) оештыру һәм уздыру мәсьәләләре буенча Бөтенроссия киңәшмәсе узачак. Чараны оештыручылар - Россия Мәгариф министрлыгы һәм һөнәри белемне үстерү институты.
Киңәшмә институтның «ВКонтакте» социаль челтәрендәге рәсми битендә онлайн-трансляция белән узачак.
Аның максаты - 2026 елда демонстрацион имтихан рәвешендә дәүләт йомгаклау аттестациясен оештыру һәм уздыруның төп мәсьәләләре буенча фикер алышу.
Катнашуга Россия Федерациясе субъектларының мәгариф өлкәсендәге башкарма хакимият органнары вәкилләре һәм демонстрацион имтиханның төбәк координаторлары чакырыла.
Киңәшмә кысаларында катнашучылар урта һөнәри белем бирү программалары буенча ДЙА өлешендә зкануннардагы үзгәрешләр, демонстрацион имтихан үткәрү процессларының трансформациясе һәм еллык графиклар, мәгълүмат системалары һәм сервислар үсеше турында фикер алышачаклар.
Төбәкләр белән хезмәттәшлеккә, аналитикага, мониторингка һәм төбәк операторлары эшчәнлегенең нәтиҗәлелеге күрсәткечләренә, аларга методик ярдәм күрсәтүгә, шулай ук имтиханнар үткәрү өчен пилот мәйданчыкларын үстерүгә һәм «Профессионалитет» федераль проекты күрсәткечләренә аерым игътибар биреләчәк.
Киңәшмә 2026 елда демонстрацион имтиханны оештыру һәм уздыруның актуаль мәсьәләләре буенча фикер алышу өчен төп мәйданчык булачак.