Сыйныфта уңай психологик климат тудыру педагогик эшнең мөһим һәм катлаулы өлеше.
Мәгариф өлкәсендә күзәтчелек һәм контроль департаментына Казан шәһәренең бер мәктәбеннән 1 сыйныф укытучысының үз-үзен тиешенчә тотмавы турында мөрәҗәгать килде. Тикшерү барышында Департамент хезмәткәре гимназиягә барып оешманың норматив-хокукый документларын өйрәнә һәм администрация һәм педагогтан аңлатмалар ала.
Гимназия җитәкчелеге шикаять буенча хезмәт тикшерүе уздырды, дәресләрдә һәм класстан тыш чараларда катнашты, ата-аналар җыелышы үткәрелде, педагог-психолог беренче сыйныф укучыларының борчылу дәрәҗәсен ачыклау буенча тест үткәрде. Фактлар өлешчә расланды.
Тикшерү нәтиҗәләре буенча укытучы дисциплинар җаваплылыкка тартылды.
Шулай ук укытучының 1 һәм 3 сыйныфларда ике сменада укытуы да аның эмоциональ халәтендә чагыла.
Директорга:
- укытучыга уку йөкләмәсен киметергә;
- ата-аналарның ризалыгы белән кабинетта, укучыларны һәм педагогны күзәтү максатыннан, ата-аналар акчаларын җәлеп итмичә генә видеокүзәтү урнаштырырга тәкъдим ителде.
Моннан тыш, гимназиягә белем бирү процессын оештырганда мәҗбүри таләпләрне бозуга юл куймау турында кисәтү җибәрелде.