Департамент квалификация күтәрү курслары үткәрә
Департамент квалификация күтәрү курслары үткәрә.
Бу атнада Мәгариф өлкәсендә күзәтчелек һәм контроль департаменты Татарстан Республикасы Мәгарифне үстерү институты белән берлектә мәгариф учреждениеләре җитәкчеләре өчен «Мәгариф өлкәсендә дәүләт контроле (күзәтчелек). Контроль-күзәтчелек эшчәнлегенең нәтиҗәлелеген арттыру юнәлешләре» квалификация күтәрү курсларын оештыра.
Бүген лекцияләр белән Департамент вәкилләре чыгыш ясады:
министр урынбасары - ТР Мәгариф һәм фән министрлыгының Мәгариф өлкәсендә күзәтчелек һәм контроль департаменты җитәкчесе Рәмис Гаптрәис улы Мөҗипов кереш лекция уздырды, кануннардагы яңалыкларны яктырты, шулай ук катнашучыларның сорауларына җавап бирде.
Департамент җитәкчесе урынбасары Светлана Николаевна Захарова мәгариф өлкәсендә яңа норматив хокукый документлар белән таныштырды
Департаментның контроль-күзәтчелек идарәсе җитәкчесе Гүзәл Вәзир кызы Сәмигуллина федераль дәүләт контролен (күзәтчелеген) гамәлгә ашырганда кулланыла торган яңа норматив актларга җентекләп тукталды, шулай ук Департамент үткәрә торган профилактик чаралар турында сөйләде.
📌Департаментның хокукый җайга салу бүлеге җитәкчесе Айрат Альберт улы Мәгъсүмов мәгариф оешмаларында коррупцион хокук бозуларны ачыклау буенча чараларны гамәлгә ашыру тәҗрибәсе белән уртаклашты.
Курсларда 55 тыңлаучы катнаша.
https://obrnadzor.tatarstan.ru/foto.html/photoreport/..