Татарстанда 150дән артык чыгарылыш сыйныф укучысы йомгаклау иншасын резерв срогында язды
Бүген, республикада 11 нче сыйныфны тәмамлаучылар өчен йомгаклау иншасы (изложение) язуның өстәмә этабы узды. Бу унберенче сыйныф укучылары өчен дәүләт йомгаклау аттестациясенә кертү өчен кирәкле «зачет» алу өчен соңгы мөмкинлек.
Инша 10:00 дә старт алды һәм 3 сәгать 55 минут дәвам итте. Мөмкинлекләре чикләнгән катнашучылар, инвалид балалар һәм инвалидлар өчен сынау дәвамлылыгы 1,5 сәгатькә арттырылды.
2025-2026 уку елында йомгаклау иншасының темалар комплектлары, элеккеге кебек үк, ФИПИ ябык банкыннан формалашкан, ул 2000 гә якын теманы үз эченә ала.
Чыгарылыш укучыларына сайлап алу өчен алты тема тәкъдим ителде:
- ️Нинди гамәлләр белән горурланырга мөмкин?
- ️Тормыштагы нинди вакыйгалар яхшылыкка өйрәтә ала?
- ️Әйләнә-тирәдәгеләр кешегә дөрес сайлау ясарга ничек ярдәм итә ала?
- ️Сугышта батырлык нәрсә ул?
- ️М.Горький китаплар турында: «Аларның һәрберсе миңа могҗиза булып тоела, ә язучы – тылсымчы», - дип әйткән. Сез нинди китап турында шулай ук әйтә алыр идегез?
- ️Сәнгать әсәре кешегә үзен яхшырак аңларга ярдәм итәме?
Эшләрне тикшерү һәм бланкларны эшкәртү 12 көнгә кадәр дәвам итә. Йомгаклау иншасы (изложение) нәтиҗәләре белән катнашучылар үзләренең белем бирү оешмаларында таныша алачак.
Исегезгә төшерәбез, агымдагы уку елында йомгаклау иншасы өч этапта үткәрелде: төп срок — 2025 елның 3 декабрендә, шулай ук өстәмә сроклар — 2026 елның 4 февралендә һәм 8 апрелендә. Апрель этабында катнашу өчен гаризалар 2026 елның 25 мартына кадәр кабул ителде.
Йомгаклау иншасын уңышлы тапшыру БДИга керү өчен мәҗбүри шарт булып тора, ә аның нәтиҗәсе сроксыз гамәлдә. Республиканының чыгарылыш сыйныф укучыларына имтиханнарын уңышлы тапшыруларын һәм югары нәтиҗәләр телибез!