Департамент квалификация күтәрү курслары үткәрә
Департамент контроль-күзәтчелек чараларын гамәлгә ашыруга җәлеп ителә торган экспертлар өчен квалификация күтәрү курслары үткәрә.
2022 елның 28 ноябреннән 2 декабренә кадәр Мәгариф өлкәсендә күзәтчелек һәм контроль департаменты тарафыннан «Мәгариф өлкәсендә федераль дәүләт контроле (күзәтчелек)» контроль-күзәтчелек чараларын гамәлгә ашыруга җәлеп ителә торган экспертлар өчен квалификация күтәрү курслары уздырылачак.
Курслар программасында министр урынбасары – департамент җитәкчесе Р.Г.Мөҗипов, департамент җитәкчесе урынбасары С.Н.Захарова, департаментның контроль-күзәтчелек эшчәнлеге идарәсе җитәкчесе Г.В. Сәмигуллина һәм башкалар чыгышлары булачак.
Квалификация күтәрү курслары кысаларында түбәндәге мәсьәләләр каралачак:
- мәгариф өлкәсендә федераль дәүләт контролен (күзәтчелеген) гамәлгә ашырганда кулланыла торган яңа норматив-хокукый актлар;
- лицензия таләпләрен үтәү өлешендә норматив таләпләр;
- башлангыч һәм төп гомуми белем бирүнең яңа федераль дәүләт белем бирү стандартлары;
- мәгариф оешмаларының контроль-бәяләү эшчәнлеге;
- мәгариф оешмасының төп белем бирү программалары;
- тәрбия буенча эш программасы.
Курслар үткәрү формасы: онлайн һәм көндезге.
Курсларга язылу өчен телефон: (843) 237 75 27 - Департаментның контроль-күзәтчелек эшчәнлеге идарәсенең белем бирү сыйфатына дәүләт контроле бүлеге.