Спорт мәктәпләрен мәгариф оешмалары сыйфатында лицензияләү кагыйдәләре расланды.

2022 елның 31 августы, чәршәмбе

Министрлар Кабинеты сайтындагы хәбәрдә әйтелгәнчә, "2023 елдан башлап спорт үзәкләре һәм мәктәпләр белем бирү эшчәнлегенә лицензияләр ала алачак, ә бу учреждениеләрдә эшләүче тренерлар - барлык хокуклары, бурычлары һәм социаль гарантияләре белән педагогик хезмәткәрләр статусына ия булачак. Хөкүмәт рәисе Михаил Мишустин кул куйган карар белән мондый лицензияләрне гадиләштерелгән тәртиптә бирү кагыйдәләре расланды ".

Әлеге оешмаларга Рособрнадзорга гариза бирү генә җитә. Гадиләштерелгән лицензияләрнең гамәлдә булу срогы ярты ел булачак, шуннан соң спорт үзәкләренең һәм мәктәпләренең вакыты чикләнмәгән лицензияләр алу мөмкинлеге барлыкка киләчәк. Моны 2023 елның 1 сентябренә кадәр эшләргә кирәк.