Контроль (күзәтчелек) һәм рөхсәт эшчәнлеге өлешендә кабул ителгән ярдәм чаралары турында
2021 елның 1 июленнән 31.07.2020 № 248-ФЗ Федераль законның 52 маддәсе нигезендә контроль органнары профилактик визитлар үткәрә ала.
Профилактик визитлар - ул контроль органы хезмәткәре белән профилактик әңгәмә. Әңгәмә кысаларында инспектор гражданнарга һәм оешмаларга:
- мәҗбүри таләпләр турында;
- контроль объектларының риск критерийларына туры килүе турында;
- риск категориясен киметүнең нигезләре һәм тәкъдим ителә торган ысуллары турында;
- контроль (күзәтчелек) чараларының төрләре, эчтәлеге һәм интенсивлыгы турында хәбәр итә.
Контроль органы профилактик визит үткәрүне:
- билгеле бер өлкәдә эшчәнлекне гамәлгә ашыруга керешүче затларга (эшчәнлек башланган вакыттан алып бер ел эчендә);
- Контроль объектлары гадәттән тыш югары, югары һәм шактый зур риск категорияләренә кертелгән затларга тәкъдим итәргә тиеш.
Башкалар өчен профилактик визит контроль орган тарафыннан расланган профилактика программасы нигезендә үткәрелә.
Контроль органы контрольдә тотылган затка аны үткәрүгә кадәр 5 эш көненнән дә соңга калмыйча хәбәр итәргә тиеш. Әмма контрольдә тотыла торган зат профилактик визит үткәрүгә кадәр 3 эш көненнән дә соңга калмыйча чарадан баш тартырга хокуклы.
Исегезгә төшерәбез, Россиядә бизнесны тикшерүгә мораторий кертелде. Чара кече, урта бизнес һәм эре компанияләр өчен планлы һәм планнан тыш тикшерүләр буенча 150 контроль төренә кагыла. Контроль (күзәтчелек) органнары мораторийны бозган очракта, эшкуарлык бергәлеге Россия Икътисадый үсеш министрлыгының электрон почтасына (электрон адресы - proverki.net@economy.gov.ru) яза ала. Контроль органы карары белән килешмәгән очракта, теләүчеләр судка кадәр шикаять бирү системасы буенча шикаять бирергә мөмкин.
Контроль (күзәтчелек) һәм рөхсәт эшчәнлеге өлешендә кабул ителгән ярдәм чаралары турында тулырак мәгълүмат: https://obrnadzor.tatarstan.ru/meri-podderzhki-v-chasti-kontrolnoy-nadzornoy-k.htm