Департамент тикшерүләренең нәтиҗәләре турында

2011 нче елның гыйнвар-февраль айларында күзәтчелек һәм контроль департаменты тарафыннан Казан, Түбән Кама, Яр Чаллы, Болгар, Зәй, Әлмәт, Бөгелмә, Баулы, Тәтеш шәһәрләре, Саба, Биектау, Ютазы, Әлки районнарының белем бирү учреждениеләрендә тикшерү (барлыгы-132, шуларның: 41-планлы, 91-планнан тыш) үткәрелде.

Тикшерүнең төп бурычлары:

- Россия Федерациясенең мәгариф өлкәсендә законның үтәлеше;
- укыту эшчәнлегенә лицензиядә каралган шартларның үтәлешенә контроль; - белем сыйфатына контроль. Һәр оешмага тикшерү нәтиҗәләре буенча актлар тапшырылды, 129 учреждениегә кимчелекләрне бетерү буенча күрсәтмәләр җибәрелде.

Тикшерү нәтиҗәләре буенча 3 юридик һәм 2 физик затка беркетмәләр төзелде. 2 беркетмә буенча 1 юридик затка 110 мең сум штраф салынды.

Тикшерү барышында ачыкланган типик хаталар:

1. Белем бирү учреждениеләренең укыту эшчәнлегенә лицензияләре булмавы;

2. Учреҗдениеләргә кабул иткәндә укучыларның һәм ата-аналарның хокуклары бозылуы:- белем бирү учреҗдениеләренең уставлары, локаль актлар, норматив документлары, төп белем программалары белән таныштырмау;
- белем учреждениеләренең идарә эшчәнлегендә катнашу мөмкинлеге турында әйтмәү.

3. Граждананрның мәктәпкәчә, башлангыч гомуми, төп гомуми, урта (тулы) гомуми белемне түләүсез алу хокукларын бозу:

- учреҗдениеләргә кабул иткәндә балаларның тору урыны хакында белешмәләрне законсыз таләп итү; - ата-аналар белән төзелә торган килешүләрдә укучы балаларны белем бирү учреҗдениесеннән чыгару өчен законсыз шартлар каралуы;
- укучыларга белем алу формасын сайлау мөмкинлегеннән файдалану өчен тиешле оештыру шартларның булмавы.

4. Түләүле белем хезмәтләре күрсәтү кагыйдәләренен үтәлеше буенча:

- түләүле белем хезмәтләре күрсәтү буенча тулы мәгълүмат булмау;
- уставта түләүле белем хезмәтләре күрсәтүнең тәртибе һәм исемлеге күрсәтелмәү;
- түләүле белем хезмәтләре күрсәтү буенча килешүләрендә кулланучыларның хокукларын бозучы шартлар булу.

5. Дәүләт күзәтүе һәм тикшерүләрне үткәрүче органнар тарафыннан бирелгән кимчелекләрне бетерү буенча законлы күрсәтмәләрне вакытында үтәмәү.