Татарстан Республикасы Мәгариф һәм фән министрлыгында ДЙА-2026 йомгаклары буенча коллегия утырышы узды.
Татарстан Республикасы Мәгариф һәм фән министрлыгында коллегиянең киңәйтелгән утырышы булды, аның кысаларында төп докладлар белән министр урынбасары - мәгариф өлкәсендә күзәтчелек һәм контроль департаменты җитәкчесе Светлана Захарова һәм Татарстан Республикасы Мәгариф һәм фән министры урынбасары Минзәлия Закирова чыгыш ясады.
Чара Татарстан Республикасы Мәгариф һәм фән министры Илсур Һадиуллин рәислегендә узды һәм мәгарифкә комплекслы анализ ясауга багышланды.
Фикер алышуның төп темасы 2026 елда төп гомуми һәм урта гомуми белем бирү программалары буенча дәүләт йомгаклау аттестациясе нәтиҗәләре булды. Көн тәртибе кысаларында министр урынбасары - мәгариф өлкәсендә күзәтчелек һәм контроль департаменты җитәкчесе Светлана Захарова ДЙА-2026 үткәрүнең объективлыгын тәэмин итү мәсьәләләре буенча җентекле доклад ясады һәм республикада мәгариф сыйфатын бәяләү системасын үстерүнең өстенлекле юнәлешләрен билгеләде.
Министр урынбасары Минзалия Закирова үз чыгышында имтихан кампаниясенә йомгак ясады, мәктәп тәмамлаучыларның дәүләт йомгаклау аттестациясе нәтиҗәләрен җентекләп аңлатты.
Утырышта катнашучылар шулай ук Россия Федерациясе субъектларында мәгариф системалары мониторингының актуаль мәсьәләләрен карадылар. Дискуссия барышында төбәк дәрәҗәсендәге мониторинг нәтиҗәләренә һәм Татарстан Республикасы муниципаль берәмлекләренең нәтиҗәлелекнең гомуми күрсәткечләренә керткән өлешен бәяләүгә аерым игътибар бирелде. Әлеге мәсьәләләр буенча фикер алышуда чакырылган экспертлар – ФГАНУ «ФИЦТО» директоры урынбасары Мария Обуховская һәм ФГАНУ «ФИЦТО» төбәк мәгариф системалары мониторингы бүлеге башлыгы Татьяна Покидышева катнаштылар.
Коллегия эше йомгаклары буенча белем бирү сыйфатын контрольдә тоту механизмнарын камилләштерү буенча бурычлар билгеләнде, чара ведомствоның алдынгы хезмәткәрләрен рәсми бүләкләү тантанасы белән тәмамланды.
Коллегия эше йомгаклары буенча белем бирү сыйфатын контрольдә тоту механизмнарын камилләштерү буенча бурычлар билгеләнде. Чара министрлык һәм республика педагогик җәмәгатьчелеге вәкилләренә дәүләт һәм ведомство бүләкләрен тапшыру тантанасы белән тәмамланды.