Мәгариф министрлыгы 2026/27 уку елына дәрестән тыш эшчәнлек күләмен билгеләде
Рссия Мәгариф министрлыгы төбәкләргә 2026/27 уку елына дәрестән тыш эшчәнлекне оештыру буенча методик киңәшләр җибәрде. Дәрестән тыш эшнең гомуми күләме атнага 10 сәгатьтән артмаска тиеш, башлангыч мәктәптә – 1 350 сәгатькә, төп мәктәптә-1 700 һәм өлкән мәктәптә 680 сәгатькә кадәр.
Алынган мәгълүмат буенча, документта мәктәпләр дәрестән тыш эш төзү өчен куллана ала торган курслар һәм юнәлешләр исемлеге тәкъдим ителгән. Һәрбер белем бирү оешмасы кадрлар һәм матди мөмкинлекләрне, шулай ук укучыларның мәнфәгатьләрен исәпкә алып, үз планын мөстәкыйль формалаштыра, дип билгеләделәр матбугат хезмәтендә.
Тәкъдим ителә торган исемлеккә «Мөһим турында сөйләшүләр» (1-11 сыйныфлар, атнага 1 сәгать), «Россия – Минем горизонтларым» (6-11 сыйныфлар, 1 сәгать), «Россия бөркетләре» (1 сыйныф – 1 сәгать, 2-4 сыйныф – 2 сәгать), хәрби уку җыеннары һәм башлангыч хәрби әзерлек (8 нче сыйныфта 17 сәгать һәм 10 нчы сыйныфта 35 сәгать) кертелгән.
Шулай ук юнәлешләр арасында: финанс грамоталылыгы (2-11 сыйныфлар, атнага 1 сәгать), тарихи мәгариф курслары (2-11 сыйныфлар), математика һәм табигый-фәнни белемгә ярдәм итү (5-11 сыйныфлар), профильле укыту (7-11 сыйныфлар), физик үсеш (1-11 сыйныфлар, атнага 1 сәгать).
Мәгариф министрлыгы башлыгы Сергей Кравцов билгеләп үткәнчә, ведомство мәктәпләргә ориентирлар бирә, ә ахыргы карар мәгариф оешмаларында кала. Бурыч – һәр мәктәп үз ресурсларын һәм балаларның ихтыяҗларын исәпкә алып, дәрестән тыш эшне төзи алсын өчен, тикшерелгән юнәлешләр җыелмасын һәм методик ярдәм күрсәтү. Барлык тәкъдимнәр дә «Гомуми белем бирүнең бердәм эчтәлеге» сайтында урнаштырылган. 2026 елдан башлап программа шаблоннары эш программалары Конструкторында бирелгән.