Мөһим турында сөйләшүләр «Н.В.Гогольнең тууына 215 ел»
Мөһим турында сөйләшүләр «Н.В.Гогольнең тууына 215 ел»
Һәр дүшәмбедә барлык мәктәпләрдә дә "Мөһим турында сөйләшүләр" дәрестән тыш чара үткәрелә.
Методик ярдәм күрсәтү кысаларында мәгариф өлкәсендә күзәтчелек һәм контроль департаменты хезмәткәрләре Балтач районының мәгариф оешмаларына чыктылар. Агымдагы ел башыннан департамент хезмәткәрләре 85тән артык белем бирү оешмасында булдылар. Алар укытучыларның әлеге чарага югары дәрәҗәдә әзерлекләрен һәм укучыларның яңа белем алуга кызыксынуларын аерым билгеләп үтәләр.
Уку атнасы гадәттәгечә Россия Федерациясе һәм Татарстан Республикасы Дәүләт әләмнәрен күтәрү һәм Дәүләт гимннарын башкару тантанасыннан башланды.
Дәрес барышында укучыларны язучының биографиясеннән өзекләр белән таныштырдылар – бигрәк тә балачак һәм гимназиядәге уку еллары белән. Һәр укучы һәм студент язучының балачагын, аның яңалыкны белү һәм халыкка ярдәм итү теләге кайчан уянганын күз алдына китерә алды.
Башлангыч сыйныфлар өчен дәреснең төп өлешендә виртуаль сәяхәт булды. Алар Гоголь биографиясенең кайбер вакыйгалары белән таныштылар, шул ук вакытта әдипнең балалар һәм яшүсмер елларына аерым игътибар бирелде. Шулай ук мәктәп укучылары һәм студентлар белән Николай Васильевичның рус теленә булган мәхәббәте турында сөйләштеләр. Өлкән сыйныф укучыларына Гоголь укырга һәм язарга бик иртә өйрәнгәнен, аның әтисе малайга әдәбиятка мәхәббәт тәрбияләгәнен һәм аның өй театрындагы чыгышларын хуплаганын искә төшерделәр.