Рус теле буенча бердәм дәүләт имтиханының вакытыннан алда чоры
Рус теле буенча бердәм дәүләт имтиханының вакытыннан алда чоры.
2024 елның 26 мартында рус теле буенча бердәм дәүләт имтиханының вакытыннан алда чоры уздырыла. Рус теле урта гомуми белем турында аттестат алу өчен мәҗбүри имтихан булып тора. Рус теленнән минималь балл - 24.
Рус теле буенча БДИга вакытыннан алда 19 катнашучы гариза бирде, шулардан 11 көллият студенты һәм агымдагы елда мәктәпне тәмамлаучы 8 укучы.
Татарстан Республикасында имтиханнар ике пунктта уздырыла: Яр Чаллы шәһәренең 6 нчы мәктәбе һәм Казанның 65 нче мәктәбе базасында. Имтиханнар үткәрүгә 41 педагогик хезмәткәр җәлеп ителде.
Нәтиҗәләрне игълан итү вакыты 2024 елның 11 апреленнән дә соңга калмыйча. Быелгы чыгарылыш сыйныф укучылары рус теле буенча БДИ нәтиҗәләрен үз мәктәпләрендә белә алачак, ә барлык БДИ катнашучылары - Рособрнадзорның рәсми сайтындагы "ГИА" бүлегендә https://checkege.rustest.ru/.
Сәламәтлеге буенча имтиханны вакытыннан алда тәмамлаган, шулай ук документаль расланган нигезле сәбәп буенча килмәгән катнашучылар имтиханны резерв көннәрдә тапшыра алачак.
Имтихан үткәрү тәртибен бозган өчен (телефоннар яки башка элемтә җайланмалары, шпаргалкалар һәм башкалар) имтиханнан чыгарылган БДИ катнашучыларның имтихан нәтиҗәләре гамәлдән чыгарыла, алар бу фән буенча БДИны киләсе уку елында гына тапшыра алачак.
Минималь балл ала алмаган быелгы чыгарылыш сыйныф укучылары резерв көнне рус теле буенча мәҗбүри БДИ бирә алачак.