2022 елда Россия Федерациясендә рөхсәт бирү эшчәнлеге үзенчәлекләре турында
Россия Федерациясе Хөкүмәтенең 2022 елның 12 мартында 353 номерлы «2022 елда Россия Федерациясендә рөхсәт бирү эшчәнлеге үзенчәлекләре турында» карары үз көченә керү сәбәпле хәбәр итәбез!!!
1. Татарстан Республикасы Мәгариф һәм фән министрлыгының мәгариф өлкәсендә күзәтчелек һәм контроль департаменты «2022 елда Россия Федерациясендә рөхсәт эшчәнлеге үзенчәлекләре турында» Россия Федерациясе Хөкүмәтенең 2022 елның 12 мартындагы 353 номерлы карарының 5 пункты нигезендә белем бирү эшчәнлегенә дәүләт аккредитациясе турында таныклыкны, белем бирү эшчәнлеген гамәлгә ашыручы оешманың яисә аның филиалының дәүләт аккредитациясе турында таныклыкта күрсәтелгән урнашкан урыны, белем бирү эшчәнлеген гамәлгә ашыручы шәхси эшкуарның фамилиясе, исеме, атасының исеме (булган очракта) үзгәргән очракта, шулай ук белем бирү эшчәнлеген гамәлгә ашыручы реорганизацияләнсә яңадан рәсмиләштерү таләп ителми, дип хәбәр итә
2. 2011 елның 4 маендагы 99-ФЗ номерлы «Эшчәнлекнең аерым төрләрен лицензияләү турында» Федераль законның 12 статьясындагы 1 өлешендә күрсәтелгән эшчәнлек төрләрен лицензияләүгә, шулай ук әлеге карарда каралган башка рөхсәтләрне, юридик затның урнашу урынын, шәхси эшкуарның яшәү урынын, лицензияләнә торган эшчәнлекнең географик объект, урам, мәйдан яки башка территория атамасын үзгәртү, адресация объектының, шул исәптән почта индексының нумерациясен үзгәртү, шулай ук юридик затның исемен үзгәртү, лицензиягә үзгәреш кертү, рөхсәт кәгазе бирелгән затның гаризасы нигезендә реестрга үзгәрешләр кертү 2022 елның 31 декабренә кадәр таләп ителми.
3. Лицензия бирү, лицензияләр реестрына үзгәрешләр кертү, лицензиянең гамәлдә булу вакытын 2022 елның 31 декабренә кадәр озайту кысаларында дәүләт пошлиналарын түләү таләп ителми.