Департамент ата-аналардан акча җыюны туктатты
ТР Мәгариф һәм фән министрлыгының мәгариф өлкәсендә күзәтчелек һәм контроль департаментына Казан шәһәре Идел буе районындагы бер мәктәпнең хезмәткәрләренең гамәлләренә карата шикаять килде. Мөрәҗәгатьтә күрсәтелгән фактлар өлешчә расланды.
Ата-аналар комитетының сыйныфтагы тәрәзә тоткаларын ремонтлауга акча җыю факты буенча сыйныф җитәкчесенә дисциплинар җәза бирелде.
«Россия Федерациясендә дәүләт контроле (күзәтчелеге) һәм муниципаль контроль турында» 248-ФЗ номерлы Федераль законның 60 маддәсенең 2 пункты нигезендә мәктәп адресына мәҗбүри таләпләрне бозуның ярамавы турында кисәтү җибәрелде.
Шулай ук Департаментта мөрәҗәгать авторы һәм мәктәп җитәкчелеге белән очрашу оештырылды. Очрашу барышында ата-аналарга Психология-медицина-педагогика комиссиясенә консультациягә язылырга тәкъдим ителде, мәктәп директорына «Россия Федерациясендә мәгариф турында» 2012 елның 29 декабрендәге 273-ФЗ номерлы Федераль законның 48 маддәсендә күрсәтелгән таләпләрне: хокукый, әхлакый һәм һөнәри этика нормаларын үтәү, белем алучыларның һәм мәгариф мөнәсәбәтләренең башка катнашучыларының намусын һәм абруен хөрмәт итү зарурлыгы күрсәтелде.