Рәмис Гаптрәис улы Мәскәүдә конференциядә катнашты
2021 елның 25-26 ноябрендә Мәгариф һәм фән өлкәсендә күзәтчелек буенча федераль хезмәт тарафыннан белем бирү сыйфатын бәяләү буенча конференция оештырылды. Конференциянең төп мәсьәләләре булып түбәндәгеләр тора: 2021 елда бөтенроссия тикшерү эшләре (ВПР) нәтиҗәләре, белем бирү сыйфатын милли тикшеренүләр (НИКО) нәтиҗәләре, гомуми белем сыйфатын башка бәяләүләр.
2021 елның 25 ноябрендә министр урынбасары - мәгариф өлкәсендә күзәтчелек һәм контроль департаменты җитәкчесе Р.Г.Мөҗипов гомуми белем бирү оешмаларында контроль һәм тикшерү эшләре санын киметү мәсьәләсе буенча секциядә доклад белән чыгыш ясады. Рәмис Гаптрәис улы контроль эшләр башкару мониторингы нәтиҗәләре, мәгариф учреждениеләрендә очрый торган проблемалар, республикада кабул ителгән чаралар турында сөйләде, шулай ук федераль дәрәҗәдә алга таба эшләү өчен тәкъдимнәр кертте.