Укучының хокуклары якланды
Департаментка Бөгелмә муниципаль районының 9 сыйныф укучысы хокукларын бозу, дәүләт йомгаклау аттестациясен тапшыруга юл куймау турында мөрәҗәгать килде.
Мөрәҗәгатьне карау барышында Россия Федерациясе Мәгариф министрлыгы һәм Мәгариф һәм фән өлкәсендә күзәтчелек буенча федераль хезмәтнең 2018 елның 7 ноябрендәге 189/1513 номерлы боерыгы белән расланган төп гомуми белем бирү белем бирү программалары буенча дәүләт йомгаклау аттестациясен (алга таба - ДЙА) уздыру тәртибенең 11 пунктын бозу ачыкланды.
Педагогик совет карары белән укучы дәүләт йомгаклау аттестациясенә кертелде, Департамент тарафыннан Татарстан Республикасының Дәүләт имтихан комиссиясенә рус теле һәм математика буенча ДЙА тапшыруның өстәмә чорында катнашу өчен гариза юлланды һәм ул хупланды.