Әлки муниципаль районында тикшерүләр уздыруны башлау

2021 елның 14 гыйнвары, пәнҗешәмбе

2021 елның 14 гыйнварында Татарстан Республикасы Әлки муниципаль районында мәгариф оешмаларында планлы тикшерүләр башланды. Муниципаль районга мәгариф өлкәсендә күзәтчелек һәм контроль департаменты хезмәткәрләре, шулай ук контроль-күзәтчелек эшчәнлегенә җәлеп ителгән 11 эксперт та килде.

Әлки районында гыйнварда барлыгы 45 оешма тикшереләчәк:

- 31 балалар бакчасы ике мәсьәлә буенча: мәгариф өлкәсендә дәүләт күзәтчелеге һәм лицензия таләпләренең үтәлешен тикшерү;

- 12 мәктәп өч мәсьәлә буенча: мәгариф өлкәсендә дәүләт күзәтчелеге, белем бирү сыйфатының дәүләт контроле һәм лицензия таләпләренең үтәлешен тикшерү;

- 2 өстәмә белем бирү учреждениесе ике мәсьәлә буенча: мәгариф өлкәсендә дәүләт күзәтчелеге һәм лицензия таләпләренең үтәлешен тикшерү.