Рөстәм Хаҗиев мәктәпләрдә кабул итү кампаниясенең барышы һәм имтиханнар үткәрү пунктларының әзерлеге турында хәбәр итте
Татарстан Республикасы Мәгариф һәм фән министрлыгында муниципаль органнарның мәгариф идарәсе җитәкчеләре белән республика киңәшмәсе узды. Очрашуны видеоконференцэлемтә режимында ТР Мәгариф һәм фән министры Илсур Һадиуллин уздырды.
Киңәшмәнең төп темаларының берсе мәгариф өлкәсендә күзәтчелек һәм контроль департаменты җитәкчесе урынбасары Рөстәм Хаҗиевның доклады булды. Аның чыгышы ике юнәлешкә багышланган иде: балаларны мәктәпкә кабул итү һәм имтиханнар үткәрү өчен инфраструктураны тикшерү.
Доклад барышында беренче сыйныфларга керүнең агымдагы торышына анализ ясалды. Спикер җитәкчеләрнең игътибарын кануннарны һәм расланган регламентларны төгәл үтәүгә юнәлтте. Гаризалар кабул итү процессы ата-аналар өчен мөмкин кадәр ачык һәм аңлаешлы булырга тиеш, дип билгеләп үтелде.
Аерым блок йомгаклау аттестациясе башланыр алдыннан ППЭ әзерлегенә таләпләр яңгырады. Рөстәм Хаҗиев Департамент хезмәткәрләре пунктларны кабул итәчәк төп критерийларны аңлатты.
Кисәтүләрне вакытында бетерү - республикада имтихан марафонын уңышлы һәм объектив уздыруның нигезе, дип ассызыкланды ул үз чыгышында.