Апас муниципаль районында профилактик визитлар
Апас муниципаль районының мәктәпкәчә мәгариф учреждениеләре мөдирләренең инициативасы белән мәгариф өлкәсендә күзәтчелек һәм контроль Департаментының контроль-күзәтчелек эшчәнлеге идарәсе белгечләре тарафыннан Мәгариф турындагы кануннарның мәҗбүри таләпләрен бозуларны кисәтү буенча профилактик визитлар үткәрелде.
Профилактик чаралар түбәндәге учреждениеләргә карата уздырылды:
1. МБМББУ «Апас «Кояшкай» гомуми үсеш бирүче балалар бакчасы»;
2. МБМББУ «Зөя бистәсе гомуми үсеш бирүче «Ләйсән» балалар бакчасы»;
3. МБМББУ «Югары Ындырчы «Ромашка» балалар бакчасы»;
4. МБМББУ «Әлмәндәр «Бәллүки» балалар бакчасы».
Визитлар кысаларында белгечләр:
• җитәкчеләргә мәҗбүри таләпләрне үтәү чаралары турында мәгълүмат бирделәр;
• контроль-күзәтчелек чараларының төрләрен, эчтәлеген һәм интенсивлыгын контроль объектының куркынычсызлык категориясенә карап аңлаттылар;
• мәгариф турындагы канунннарның төп нормалары, белем бирү эшчәнлегенә лицензия таләпләрен дә кертеп, аңлатмалар бирделәр;
• мөмкин булган куркынычларны һәм типик хокук бозуларны күрсәттеләр.
Һәр профилактик визит барышында учреждение вәкилләре кызыксындырган сорауларны бирде һәм җентекле профессиональ аңлатмалар алды.