Аккредитация экспертизасына җәлеп ителә торган экспертларны аккредитацияләү.

2026 елның 30 гыйнвары, җомга

Татарстан Республикасы Мәгариф һәм фән министрлыгының Мәгариф өлкәсендә күзәтчелек һәм контроль департаменты аккредитация экспертизасына җәлеп ителә торган экспертларны аккредитацияли. 2026 елның 27-30 гыйнварында аккредитация комиссиясе мөрәҗәгать итүчеләрнең квалификация таләпләренә туры килүен бәяли. Квалификация сынавы имтихан процедуралары нигезендә физик затның белемнәрен һәм күнекмәләрен (һөнәри дәрәҗәсен) бәяләүгә юнәлдерелгән. Квалификация имтиханы язма һәм телдән өлешләрдән тора. Язма өлеш – тестлаштыруны, телдән өлеш әңгәмәне үз эченә ала. 2026 елның 27-28 гыйнварында квалификация имтиханында аккредитация экспертизасына җәлеп ителә торган эксперт вәкаләтләрен билгеләүгә 18 дәгъвачы катнашты.