2026 елга БДИ һәм ТДИ расписаниесе белән боерык проектлары турында иҗтимагый фикер алышу
2026 елга БДИ һәм ТДИ расписаниесе белән боерык проектлары турында иҗтимагый фикер алышу
Норматив хокукый актлар проектларының федераль порталында 2026 елга Бердәм дәүләт имтиханы (БДИ), төп дәүләт имтиханы (ТДИ) һәм дәүләт чыгарылыш имтиханы (ГВЭ) расписаниесе белән Россия Мәгариф министрлыгы һәм Рособрнадзорның уртак боерыклары проектлары бастырылды.
Проект нигезендә БДИның вакытыннан алда чорын 20 марттан 20 апрельгә кадәр, төп чорны – 1 июньнән 9 июльгә кадәр, өстәмә чорны 4 сентябрьдән 25 сентябрьгә кадәр уздыру планлаштырыла.
БДИның төп чорын башлау сроклары РФ Мәгариф министрлыгының 09.10.2024 № 704 боерыгы таләпләренә туры китереп билгеләнгән, ул 2025 елның 1 сентябреннән гамәлгә керде. Әлеге боерык нормалары нигезендә 2025/2026 уку елының соңгы көне 26 майга туры килә.
Төп чорны 1 июньдә тарих, рус әдәбияты һәм химия буенча имтиханнар ачачак. 4 июньдә – рус теленнән, 8 июньдә математикадан БДИ узачак. 11 июньдә БДИда катнашучылар җәмгыять белеме һәм физика буенча, 15 июньдә биология, география һәм БДИның чит телләр буенча язма өлешеннән имтихан тапшыра алачак. 18 һәм 19 июньдә информатика буенча БДИ һәм чит телләрдән имтихан үткәрү планлаштырыла. 22 июньнән 25 июньгә кадәр расписаниедә барлык фәннәр буенча имтиханнар тапшыру өчен резерв көннәр каралган. 8 һәм 9 июльдә агымдагы елның барлык чыгарылыш сыйныф укучылары теләкләре буенча үзләре тапшырган фәннәрнең берсен кабат тапшыра ала торган көннәр планлаштырылган.
9 сыйныфны тәмамлаучылар өчен имтихан үткәрү шулай ук өч чорга бүленгән: вакытыннан алда (21 апрельдән 18 майга кадәр), төп (2 июньнән 6 июльгә кадәр) һәм өстәмә (3 сентябрьдән 25 сентябрьгә кадәр).
ТДИның төп чоры 2 июньдә математика имтиханыннан башлана. 6 июньдә информатика һәм чит телләрдән, 9 июньдә рус теленнән имтиханнар узачак. 5, 16 һәм 19 июньдә рус теле һәм математикадан башка барлык фәннәрдән имтиханнар үткәреләчәк.
ТДИ үткәрүнең резерв көннәре расписаниесе бу вакыт эчендә чыгарылыш сыйныф укучылары канәгатьләнерлек булмаган нәтиҗәләргә ирешкән теләсә нинди ике фәнне яңадан тапшыра алачакларын исәпкә алып төзелгән. 29 июньдә – математикадан, 2 июльдә – рус теленнән, 3 һәм 6 июльдә-рус теле һәм математикадан башка барлык фәннәрдән имтихан тапшыру өчен резерв көн каралган.
Боерык проектлары буенча иҗтимагый фикер алышу 31 октябрьгә кадәр дәвам итәчәк.
БДИ https://regulation.gov.ru/projects/161383/
ТДИ https://regulation.gov.ru/projects/161380/
ГВЭ https://regulation.gov.ru/projects/161382/