БДИ-2025 расписаниесен математика һәм рус теле тапшыру даталары белән тулыландырдылар
БДИ-2025 расписаниесен математика һәм рус теле тапшыру даталары белән тулыландырдылар
Россия Мәгариф министрлыгы һәм Рособрнадзор имтиханнар расписаниесен үзгәртергә карар кылды. Элегрәк расланган графикка база һәм профиль дәрәҗәләрендәге математика (26 май) һәм рус теле (29 май) буенча БДИ тапшыру өчен тагын берәр көн өстәделәр (Россия Мәгариф министрлыгы һәм Рособрнадзорның 2025 елның 25 апрелендәге 344/939/939 номерлы боерыгы).
Шулай итеп, хәзер төп этап кысаларында мәҗбүри предметлар өчен ике көн каралган:
математика өчен - 26 май (дүшәмбе) һәм 27 май (сишәмбе);
рус теле өчен-29 май (пәнҗешәмбе) һәм 30 май (җомга).
Быел БДИның төп чоры 23 майда башлана. Бу көнгә тарих, рус әдәбияты һәм химия буенча имтиханнар билгеләнгән. Аннары укучылар математика һәм рус теле язачаклар. 2 июньдә алар җәмгыять белеме һәм физика буенча, 5 июньдә биология, география, язма чит тел буенча белемнәрен тикшерәчәкләр. Ә 10 һәм 11 июньдә информатика һәм телдән имтихан тапшырачаклар.