🎓🤝🏻Департамент квалификация күтәрү курсларын тәмамлады
Татарстан Республикасы гомуми белем бирү оешмалары җитәкчеләре һәм җитәкчеләренең урынбасарлары, контроль-күзәтчелек чараларын гамәлгә ашыруга җәлеп ителә торган Департамент экспертлары өчен «Мәгариф өлкәсендә дәүләт контроле (күзәтчелеге)» темасы буенча квалификация күтәрү курслары тәмамланды.
Курслар кысаларында тыңлаучылар мәгариф өлкәсендә күзәтчелек һәм контроль департаменты эшчәнлегенең төп юнәлешләре, шулай ук мәгариф өлкәсендә федераль дәүләт контролен (күзәтчелеген) гамәлгә ашырганда кулланыла торган яңа норматив-хокукый актлар белән таныштылар.
Курсларның соңгы көнендә тыңлаучылар алдында чыгыш ясадылар:
• Бикметова Чулпан Славик кызы, Департаментның КНД мәгариф өлкәсендә дәүләт күзәтчелеге бүлегенең әйдәп баручы киңәшчесе,
• Мулеева Светлана Ивановна, Департаментның КНД мәгариф өлкәсендә дәүләт күзәтчелеге бүлегенең әйдәп баручы киңәшчесе,
• Сафиуллина Лилия Флюр кызы, Департаментның КНД белем бирү сыйфатына дәүләт контроле бүлегенең әйдәп баручы консультанты,
• Мөхәммәтшина Люция Наил кызы, Департаментның КНД белем бирү сыйфатына дәүләт контроле бүлеге әйдәп баручы белгече.
Шулай ук Департаментның КНД Идарәсе хезмәткәрләре тарафыннан практик семинарлар да үткәрелде:
• Локаль норматив актлар эшләүдә һәм раслауда яңалыклар.
• Мәгариф оешмаларында түләүле белем бирү хезмәтләре күрсәтү эшчәнлеген гамәлгә ашыру.
• Мәгариф оешмасының уку планын төзү;
• Белем бирү оешмасында ВПР нәтиҗәләренә анализ.
• Мәгариф өлкәсендәге канун таләпләре нигезендә белем бирү оешмасы сайтын ("Мәгариф" бүлекчәсе) алып бару.
Департамент уздырылган курсларның файдасын аеруча билгеләп үтә һәм бу юнәлештә эшне дәвам итәчәк.
Әлеге уку процессы барышында тыңлаучылар һәм белгечләр элемтәдә булдылар һәм оператив рәвештә кире элемтә алдылар. Курслар узу процессында тыңлаучылар күп кенә актуаль мәгълүматны билгеләп үттеләр һәм курс һәм спикерлар турында уңай фикерләр әйттеләр, менә аларның кайберләре:
"Һәр тема мәктәпнең мөһим проблемаларына кагылды. Практик дәрес үткәрүне билгеләп үтәсем килә, без күп вакытта игътибар ителми торган хаталарны күрдек."
"Курслар нәтиҗәле, бигрәк тә хәзер, белем бирү процессында күп үзгәрешләр булганда."
"Чыннан да, сыйфатлы курсларда күптән булганым юк иде. Күп кенә мәсьәләләр җентекләп тикшерелде, спикерлар мәгълүматны җиңел, аңлаешлы, ә иң мөһиме грамоталы бирә. Оештыручыларга рәхмәт».