Профильле математика һәм база дәрәҗәсендәге математика буенча бердәм дәүләт имтиханы
Профильле математика һәм база дәрәҗәсендәге математика буенча бердәм дәүләт имтиханы
2023 елның 1 июнендә унберенче сыйныф укучылары өчен икенче мәҗбүри имтихан уздырыла: профильле дәрәҗәдәге математика һәм база дәрәҗәсендәге математика буенча бердәм дәүләт имтиханы.
Профильле дәрәҗәдәге математика имтиханын бүген 7513 укучы тапшырды, база дәрәҗәсе математикасы буенча - 7320 укучы, шул исәптән сәламәтлек мөмкинлекләре чикләнгән 139 кеше. Математика буенча БДИда барлыгы 14833 быелгы чыгарылыш сыйныф укучысы имтихан язды.
БДИ уздыру өчен 98 пункт оештырылды, шул исәптән, гомуми белем бирү оешмаларында 83 ППЭ һәм өйдә - 15. Әлеге ППЭларда 1121 аудитория әзерләнде.
БДИ эшендә 5048 педагогик хезмәткәр, 157 федераль иҗтимагый күзәтүче һәм 22 мәгариф өлкәсендә күзәтчелек һәм контроль департаменты хезмәткәре катнашты.
ППЭ аудиторияләрендә онлайн видеокүзәтү оештырылган. Татарстан Республикасының ситуацион үзәгендә 270 региональ күзәтүче имтихан үткәрүне онлайн күзәтте.
Математика буенча Дәүләт чыгарылыш имтиханын (ГВЭ) 204 чыгарылыш сыйныф укучысы язды. Тапшыру өчен 36 ППЭ оештырылды, 53 аудиториядә офлайн видеокүзәтү алып барылды. 367 педагогик хезмәткәр имтихан уздыруда катнашты.
Профильле дәрәҗәдәге математика буенча БДИ озынлыгы 3 сәгать 55 минут, база дәрәҗәсендәге математика буенча - 3 сәгать.
Сәламәтлек мөмкинлекләре чикләнгән укучылар өчен профильле дәрәҗәдәге математика буенча БДИның дәвамлылыгы 5 сәгать 25 минут тәшкил итә, база дәрәҗәсендәге математикасы буенча - 4 сәгать 30 минут.
Профильле дәрәҗәдәге математика буенча БДИ нәтиҗәләрен 19 июньдә, база дәрәҗәсендәге математика һәм ГВЭ буенча 16 июньдә үз мәктәбендә яисә Рособрнадзорның «ГИА» бүлегендәге рәсми сайтында: //checkege.rustest.ru//