Имтиханнарның төп этабы география, химия, әдәбият фәннәреннән башланды.
Имтиханнарның төп этабы география, химия, әдәбият фәннәреннән башланды.
Татарстан Республикасында әлеге имтиханнарда катнашу өчен 2842 катнашучы теркәлгән. Имтиханны оештыру өчен 45 имтихан үткәрү пункты (ППЭ) ачылды. Бүген иң күп укучылар химия буенча имтихан яздылар - 1886 кеше.
Химия буенча имтихан эшен башкаруга 3,5 сәгать (210 минут) бирелә. Эшне башкарганда Д.И.Менделеевның химик элементлар периодик системасын, тозларның, кислоталарның һәм нигезләрнең суда эрү, металлларның электрохимик көчәнешләре таблицасын кулланырга мөмкин. Бу материаллар контроль үлчәү материаллары белән бергә таратыла. Хисаплау өчен химия буенча БДИ катнашучылары программалаштырылмаган калькулятор куллана ала.
Әдәбият буенча БДИны 820 катнашучы сайлады.
Әдәбият буенча имтихан эше ике өлештән тора һәм 12 биремне үз эченә ала. Имтихан эшен башкаруга 3 сәгать 55 минут (235 минут) бирелә. Катнашучылар орфографик сүзлек куллана ала.
География буенча БДИны 136 кеше тапшырды.
География буенча имтихан эше 31 биремне үз эченә ала: кыскача җавап белән 22 бирем һәм аңлатмалы җавап белән 9 бирем. Аны үтәүгә 3 сәгать (180 минут) бирелә. Бу биремнәрне үтәгәндә линейка, транспортер һәм программалаштырылмаган калькулятор кулланырга мөмкин
Татарстан Республикасы районнарында имтиханны объектив уздыру максатыннан мәгариф өлкәсендә күзәтчелек һәм контроль департаменты хезмәткәрләре һәм 62 федераль җәмәгать күзәтүчесе чыкты. Казан педагогика көллиятенең, «ТИСБИ» Идарә университетының 54 студенты төбәк ситуация үзәгендә smotriege.ru платформасында онлайн җәмәгать күзәтүчеләре булдылар. БДИ үткәрү пунктларында һәм аларга якын территорияләрдә тәртипне эчке эшләр органнары хезмәткәрләре тарафыннан тәэмин ителде.
Барлык оештыручылар алдында имтихан тапшыру процедурасын җаваплы үткәрү бурычы тора.
Рособрнадзор БДИга минималь балллар билгеләде, география буенча бу - 37 балл, әдәбият буенча — 32, химиядән – 36. Бүгенге имтиханнарда катнашучылар үз нәтиҗәләрен 13 июньнән дә соңга калмыйча беләчәк.