«Дәүләт паблигы» мәгариф программасы буенча укыту.
Бүген һәм иртәгә «Диалог» методология үзәгендә Татарстан Республикасы мәгариф учреждениеләре өчен «Дәүләт паблигы» мәгариф программасы буенча укулар оештырылды. Сәламләү сүзе белән министр урынбасары - мәгариф өлкәсендә күзәтчелек һәм контроль департаменты җитәкчесе Мөҗипов Рәмис Гаптрәис улы чыгыш ясады.
Рәмис Гаптрәис улы мәгариф учреждениеләренең социаль челтәрләрдә эшләү һәм аларны «Дәүләт паблигы» системасына тоташтыруның мөһимлеген ассызыклады. Бүген социаль челтәрләр аралашу, укыту, актуаль мәгълүмат алу өчен универсаль һәм уңайлы инструмент булды.
Укырга килүчеләргә пабликларны алып бару кагыйдәләре, контентны булдыру инструментлары, «Дәүләт паблигы» системасында эш үзенчәлекләре һәм социаль челтәрләрдә республика халкы белән хезмәттәшлек турында сөйләячәкләр. Шулай ук укыту программасында алган белемнәрне ныгыту өчен күп кенә файдалы практик биремнәр дә бар.