Мөрәҗәгать уңай хәл ителде.
Мәгариф өлкәсендә күзәтчелек һәм контроль департаментына Әлмәттәге гимназия укучысының әнисе стандарт булмаган проблема белән мөрәҗәгать итте. 2 нче чирек дәвамында бала дәресләргә йөри алмаган, чөнки хастаханәдә дәвалану узган. Ата-аналар мәктәпкә шәхси белем бирүне рәсмиләштерү өчен мөрәҗәгать иткәннәр, ләкин аларның мөрәҗәгатен канәгатьләндерүдән баш тартканнар.
Департамент вәзгыятьне карап, дәресләрне калдыруның күп өлеше белешмәләр белән расланган, шул ук вакытта өйдәге укытуга күчерү табиб тарафыннан билгеләнгән диагнозсыз мөмкин түгел, дип билгеләде.
Директорга укучыларның сәламәтлеген саклау эшен оештыру өлешендә кисәтү рәвешендә дисциплинар җәза игълан ителде. Мәктәп поликлиника белән элемтәгә керде һәм бергәләп өйдәге укытуга күчерү турында карар кабул ителде.
Департамент хезмәткәрләре әлеге вәзгыятьне җайга салу буенча рәхмәт рәвешендә кире элемтә алды.