Норматив хокукый актлар проектларының федераль порталында Россия Мәгариф һәм фән министрлыгының һәм Рособрнадзорның 2023 елга БДИ, ТДИ һәм ГВЭ расписаниесен раслау буенча уртак боерыклары проектлары бастырылган.
Норматив хокукый актлар проектларының федераль порталында Россия Мәгариф һәм фән министрлыгының һәм Рособрнадзорның 2023 елга БДИ, ТДИ һәм ГВЭ расписаниесен раслау буенча уртак боерыклары проектлары бастырылган.
Проект нигезендә, 2023 елда БДИ вакытыннан алда 20 марттан 19 апрельгә кадәр узачак, төп чорда - 26 майдан 1 июльгә кадәр, өстәмә чорда - 6-19 сентябрьдә.
26 майда БДИның төп чорын география, әдәбият һәм химия буенча имтиханнар ача. Гадәттәгечә, информатика һәм ИКТ һәм чит телдән имтиханның телдән өлеше буенча БДИ үткәрү өчен расписание проектында ике көн каралган. Чит телдән БДИның телдән өлешен 16 һәм 17 июньдә, информатика һәм ИКТ буенча БДИ - 19 һәм 20 июньдә үткәрү планлаштырыла. Бу әлеге фәннәр буенча биремнәрнең компьютерларда башкарылуы белән бәйле.
Урта гомуми белем турында аттестатларны үз вакытында тапшыру максатында мәҗбүри предметлар буенча имтиханнар беренчеләрдән булып расписание проектында билгеләнгән.
Рус теле буенча БДИны 2023 елда 29 майда, база һәм профильле дәрәҗәдәге математика буенча БДИны бер көнне - 1 июньдә үткәрү планлаштырыла.
Тарих һәм физика буенча имтиханнар 5 июньгә, җәмгыять белеме буенча БДИ - 8 июньгә, чит телләр буенча БДИның язма өлеше һәм биология - 13 июньгә планлаштырылган.
9 нчы сыйныфны тәмамлаучылар өчен ТДИ үткәрү боерык проекты нигезендә шулай ук өч чорга бүленгән: вакытыннан алда (21 апрельдән 16 майга кадәр), төп (24 майдан 1 июльгә кадәр) һәм өстәмә (4-23 сентябрь).
2023 елгы имтихан кампаниясенең төп чорын үткәрү 1 июльдә тәмамланачак.