Департамент аңлата. Мәгариф оешмасы түләүле белем бирү хезмәтләренең бәясен арттыру турында карар кабул итә аламы?
Физик һәм (яки) юридик зат акчалары исәбеннән белем алу өчен кабул ителгәндә төзелә торган шартнамәдә түләүле белем бирү хезмәтләренең тулы бәясе һәм аларны түләү тәртибе күрсәтелә. Чираттагы финанс елына һәм план чорына федераль бюджетның төп характеристикаларында каралган инфляция дәрәҗәсеннән тыш, мондый шартнамә төзелгәннән соң түләүле белем бирү хезмәтләренең бәясен арттыру рөхсәт ителми. Шундый ук нигезләмәләр Россия Федерациясе Хөкүмәтенең "Түләүле белем бирү хезмәтләре күрсәтү Кагыйдәләрен раслау турында» 2020 елның 15 сентябрендәге 1441 номерлы карарында да бар. Игътибар итегез, түләү тәртибе килешүдә күрсәтелә.
Мәгариф һәм фән министрлыгының «Түләүле белем бирү хезмәтләренең бәясен билгеләү турында» 2019 елның 6 февралендәге МН-94/СК номерлы хаты нигезендә мәгариф оешмасы, инфляция дәрәҗәсен исәпкә алып, инде төзелгән шартнамәләр буенча, елга бер тапкыр түләүле белем бирү хезмәтләренең тулы бәясен (элек укыган чор өчен түләнгән акчаны исәпкә алып) үзгәртергә хокуклы. Төзәтмәләр кертү максатыннан түләүле белем бирү хезмәтләре күрсәтү турындагы килешүгә Өстәмә килешү төзелә. Ул килешү кебек үк формада эшләнергә тиеш.