Татарстан Республикасында «Бергәләп тапшырабыз. Ата-аналар арасында БДИ тапшыру көне» Бөтенроссия акциясе старт алды
🗓Татарстан Республикасында «Бергәләп тапшырабыз. Ата-аналар арасында БДИ тапшыру көне» Бөтенроссия акциясе старт алды💯
2022 елның 15 мартыннан Татарстан Республикасы муниципаль районнарында һәм шәһәрләрендә «Бергәләп тапшырабыз. Ата-аналар арасында БДИ тапшыру көне» Бөтенроссия акциясе старт алды. Акция Актаныш, Әлки, Буа, Чистай муниципаль районнарында һәм Яр Чаллы шәһәрендә узды.
✍🏻Акциядә булачак чыгарылыш укучыларының әти-әниләре катнаша. Бу көнне ата-аналар үз балалары белән урыннарын алышырга һәм имтихан пунктына кергәнче барлык БДИ процедурасын үтәргә мөмкинлек ала. 2022 елда аларга, төрле типтагы имтихан биремнәре турында күзаллау бирә торган, база дәрәҗәсендәге математика буенча БДИның кыскартылган вариантын язарга тәкъдим ителә.
👨🏻💻Ата-аналардан тыш, бу көнне бердәм дәүләт имтиханын тапшыру мөмкинлеге дәүләт һәм муниципаль хакимият органнары, массакүләм мәгълүмат чаралары, җәмәгать эшлеклеләренә дә бирелә.
Чарада катнашучылар:
▪️БДИда теркәлүне һәм аудиторияләргә утырту оештырылуын;
▪️БДИда катнашучыларының эш урыннарын;
▪️БДИ уздыруның объективлыгын тикшерүне оештыруны;
▪️Имтихан пунктларында эпидемиологик иминлек чараларының кулланылуын;
▪️Имтихан үткәрү пунктларында имтихан материалларын (КИМны) бастырып чыгару һәм сканерлау этапларын күрергә мөмкинлек алалар.
Бүгенге чара турында Яр Чаллы шәһәреннән видеосюжет https://www.youtube.com/watch?v=ZU7xcS3G… сылтамасы буенча, фотоматериаллар - Татарстан Республикасы муниципаль берәмлекләренең рәсми сайтларында (https://msu.tatarstan.ru/) танышып була.