2021 елның 16 феврале - Россиядә БДИның 20 еллыгы
2001 елның 16 февралендә илнең берничә төбәгендә Бердәм дәүләт имтиханын үткәрү экспериментын оештыру турында Россия Хөкүмәте карары чыкты. Карарны әзерләүчеләр уйлавынча, БДИ мәктәпләрдәге һәм югары уку йортларындагы коррупцияне юкка чыгарырга һәм чыгарылыш укучыларының белемнәрен бәяләүнең бердәм стандартын күрсәтергә тиеш.
Берләшкән Милләтләр Оешмасы ел саен билгели торган дөнья илләрендә кеше потенциалын үстерү индексы нигезендә Россиядә белем бирүнең гомуми дәрәҗәсе акрынлап үсә. 1980 елда БДИ кертелгәнче СССР 0,576 индексы белән 57 нче урында булган. 2000 елдан Россия бу рейтингта күтәрелә башлады һәм 2020 елда 0,823 индексы белән 39 нчы урынны алды.
Агымдагы елда Мәгариф һәм фән өлкәсендә күзәтчелек буенча федераль хезмәт (Рособрнадзор) дәүләт имтиханнарын уздыруга кайбер үзгәрешләр кертте.
Россия мәгариф министры Сергей Кравцов сүзләренә караганда: «Югары уку йортларына укырга керергә планлаштырмаган унберенче сыйныф укучыларына Бердәм дәүләт имтиханы урынына дәүләт чыгарылыш имтиханын (ГВЭ) тапшырырга кирәк булачак - шулай ук май ахырында ике фән: рус теле һәм математика. Югары уку йортларына керүне планлаштыручыларга аттестат алу өчен рус теле буенча бердәм дәүләт имтиханын, шулай ук укырга керү өчен кирәкле предметларны тапшыру да җитә. Аеруча билгеләп үтәм, быел база дәрәҗәсендәге математика буенча БДИ үткәрелмәячәк."
11 нче сыйныф укучылары өчен ГВЭ май ахырында, ә БДИның төп чоры 31 майдан 2 июльгә кадәр барлык имтиханнарда катнашучылар, шул исәптән узган елларны тәмамлаучылар өчен дә узачак. Вакытыннан алдагы этап булмаячак. Әмма БДИ уздыруның технологик схемасы COVID-19 аркасында уңайсыз эпидемиологик вәзгыять барлыкка килгәндә үзгәрергә мөмкин.
Бүгенге көндә БДИ-2021 расписаниесе түбәндәгечә:
31 майда - география, әдәбият һәм химия;
3-4 июнь - рус теле;
7 июньдә - профильле математика;
11 июньдә - тарих һәм физика;
15 июнь - җәмгыять белеме;
18 июньдә - чит телләр буенча БДИның язма өлеше һәм биология;
21-22 июнь - чит телләр буенча БДИның телдән өлеше;
24-25 июнь - информатика.
Унберенче сыйныф укучылары өчен БДИ тапшырырга рөхсэт - инша язу булачак. 2014 елдан аны традиция буенча мәктәпләрдә декабрьдә уздырдылар, әмма 2020 елда вирус аркасында язга күчерделәр. Йомгаклау иншасын язу датасы - 2021 елның 5 апрелендә (Мәгариф һәм фән министрлыгының һәм Рособрнадзорның уртак приказы).