📚💯Мөҗипов Рәмис Гаптрәис улы чыгарылыш укучыларының әти-әниләре белән тарих буенча БДИ тапшырды
Бүген 21 мартта министр урынбасары - ТР Мәгариф һәм фән министрлыгының мәгариф өлкәсендә күзәтчелек һәм контроль департаменты җитәкчесе Мөҗипов Рәмис Гаптрәис улы Казанның Идел буе районы Мәгариф үзәге - 139 номерлы гимназиядә “Бергә тапшырабыз. Ата-аналарның БДИ тапшыру көне” Бөтенроссия акциясендә катнашты.
Бөтенроссия акциясенең инициаторы булып Рособрнадзор тора. Татарстанда, тулаем Россиядәге кебек үк, быел да акция сигезенче тапкыр уздырыла.
Бүген тарих буенча БДИның кыскартылган вариантын яздылар:
-булачак чыгарылыш укучыларының ата-аналары
-ТР Дәүләт Советы депутатлары
-мәдәният һәм сәнгать эшлеклеләре
-танылган спортчылар
-министрлыклар һәм ведомстволар вәкилләре.
Мәктәптә - имтихан уздыру пунктында катнашучылар чыгарылыш сыйныф укучылары ролендә булу мөмкинлеге алды, БДИның бөтен процедурасын үттеләр һәм таныштылар:
- катнашучылар аудиториядә ничек утыра;
- эш урыннары ничек булдырылган;
- БДИ уздыруның объективлыгын контрольдә тоту ничек оештырылган;
- Имтихан үткәрү пунктында КИМны бастыру һәм сканерлау ничек булачак.
Имтиханнан соң барлык катнашучылар да үткәрелгән чара турында уңай тәэсирләре белән уртаклаштылар. 
Булачак чыгарылыш укучыларының әти-әниләре, нәтиҗә буларак, үз балаларына имтиханнар алдыннан дөрес әзерләнергә ярдәм итә алачак.
https://vk.com/album-115592796_303639095 📸